اس ماہ کی روحانی محفل 11 جون بروز پیر 11بجکر7منٹ سے لیکر12بجکر 31منٹ تک‘22جون بروز جمعہ عصر تا مغرب‘28 جون بروز جمعرات دوپہر 3 بجے سےلیکر 4بجکر 21منٹ تک یَارَؤُفُ یَاوَاسِعُ یَااَللہُ  پڑھیں۔ یہ ذکر، بھکا ری بن کر ، خلوص دل ، درددل ، توجہ اور اس یقین کے ساتھ کہ میرارب میری فریا د سن رہا ہے اور سو فی صد قبول کر رہا ہے۔ پانی کا گلاس سامنے رکھیں ا و ر اس تصو ر کیساتھ پڑھیں کہ آسمان سے ہلکی پیلی روشنی آپکے دل پر ہلکی بارش کی طر ح برس رہی ہے اور دل کو سکون چین نصیب ہورہا ہے اور مشکلات فوری حل ہورہی ہیں۔ وقت پورا ہونے کے بعد دل و جان سے پوری امت، عالم اسلام اور غیرمسلموں کے ایمان کیلئے پوری دنیا میں امن کی دعا‘ اپنے لیے اور اپنے عزیز و اقارب کیلئے دعا کریں۔ پورے یقین کے ساتھ دعا کریں۔ ہر جائز دعا قبول کرنا اللہ تعالیٰ کے ذمے ہے۔ دعا کے بعد پانی پر تین بار دم کر کے پانی خود پئیں۔ گھروالوں کو بھی پلا سکتے ہیں۔ انشاء اللہ آپکی تمام جائز مرادیں ضرور پوری ہونگی۔
 ہر محفل کے بعد 11روپے صدقہ ضرور کریں
( نوٹ :)1-روحانی محفل کے درمیان اگر نماز کا وقت آجائے تو پہلے نماز ادا کی جائے اور بقیہ وقت نماز کے بعد پورا کیا جائے۔  اگر اسی وقت یہ وظیفہ روزانہ کرلیں تو اجازت ہے مستقل بھی کرنا چاہیں تو معمول بناسکتے ہیں۔ ہر مہینے کا ورد مختلف ہوتا ہے اور خاص وقت کے تعین کے ساتھ ہوتا ہے۔ بے شمار لوگوں کی مرادیں پوری ہوئیں۔ ناممکن ،ممکن ہوئیں۔ پھر لوگوں نے اپنی مرادیں پوری ہونے پر خطوط لکھے آپ بھی مراد پوری ہونے پرخط ضرور لکھیں۔
 ( ایڈیٹر :۔حکیم محمد طارق محمود عفااللہ عنہ)
روحانی محفل سے فیض پانے والے
محترم حکیم صاحب السلام علیکم! میں زندگی میں پہلی بار کسی رسالے میں خط لکھ رہی ہوں‘ کیونکہ اس سے پہلے میں نے سینکڑوں رسالے پڑھے لیکن عبقری جیسا کوئی نہ پایا اور جو فیض مجھے عبقری سے ملا کسی سے نہ ملا۔ محترم حکیم صاحب! میرے آدھے سر میں ہمیشہ درد رہتا تھا کبھی کم اور کبھی زیادہ۔ میں نے بہت سی ادویات استعمال کیں لیکن فائدہ صرف وقتی ہوتا۔ چند ماہ پہلے میں نے روحانی محفل میں موجود ذکر کرنا شروع کیا اور ہر ماہ باقاعدگی سے کرتی رہی‘ اب اللہ کا شکر ہے کہ میرے سر کا درد بالکل ختم ہوگیا ہے۔ (ماہ جبیں‘ لاہور)